Ég er að fara á hornstrandir ligga ligga lá!!!:)
og mig hlakkar geggjað til, höldum af stað vestur á bolgunarvík eftir vinnu í dag, svo ætlar guðbjartur bróðir binna kærasti helgu að skutla okkur út eftir eitthvað í jökulfirðina, líklegast í veiðileysufjörð. þaðan ætlum við svo að byrja að labba snemma á fimmtudagsmorgun, þurfum að ná fjöru kl. 5 þannig að já það verður snemma. löbbum yfir í hlöðuvík, svo á hornbjarg og eitthvað þarna um, verður svo sótt með flugvél á laugardagseftirmiðdag og gistum í bolgunarvík eina nótt og svo heim aftur á sunnudag!!
spáin er bara nokkuð góð fyrir okkur:
Veðurhorfur til kl. 18 á morgun: Hægviðri og léttskýjað um norðanvert landið fram eftir degi en þykknar smám saman upp með hægt vaxandi austanátt um landið sunnanvert, 8-13 m/s og rigning með kvöldinu. Austan 8-13 m/s og víða rigning í nótt. Suðaustanátt á morgun, 3-8 m/s og víða léttskýjað norðantil á landinu, en 5-10 m/s og skúrir sunnantil. Hlýnandi veður 12-18 stig að deginum, hlýjast norðanlands.
Á föstudag: Austan- og suðaustanátt 8-13 m/s og rigning um sunnan- og austanvert landið en úrkomulítið norðan- og norðvestanlands. Hiti 10-18 stig, hlýjast norðanlands. Á laugardag: Sunnan strekkingur og rigning austanlands fram eftir degi en annars norðvestanátt og skúrir. Kólnandi veður einkum norðvestantil.

Smá rigning ætti ekki að skaða neitt en lítill vindur og hlýtt og það er nóg fyrir okkur. Helga, Binni og mamma ætla sem sagt með og veður dúndurstuð hjá okkur!!!
Maggi er að vinna á miðvikudag og fimmtudag og er að fara í jarðarför á fimmtudag og kemst því ekki með en annars er hann að byrja í sumarfríi (langþráðu) núna 1.júlí!!!
Hann verður í fríi allan júlí og ég tek svo tvær vikur frá 15. júlí og þá verður gert eitthvað skemmtilegt, meðal annars er laugavegurinn á planinu þarna strax, 15 til 18 júli ef einhver hefur áhuga á að koma með þá er það minnsta mál.
Jæja, ég set svo inn myndir frá síðustu helgi og hornströndum eftir helgi!!
Bless í bili,
eg