29.9.04

update héðan að neðan.....
erum búin að vera á ferðalagi núna í tæpar tvær vikur og búið að ganga alveg rosalega vel, mjög heppin með veður og eiginlega bara allt gengið mjög vel, nema bílinn þurfti að fara í smá viðgerð, ekkert alvarlegt samt og kostaði ekkert mikið þannig að það var í góðu lagi, annars erum við búin að hugsa alltaf mikið hvað alltaf allt kostar, og erum búin að komast að því að við erum ekkert góð í því að spara, sérstaklega ekki þegar kemur að mat.... en hvað um það!!!
við erum núna komin aftur til wanaka, búin að fara til stewart island sem er syðsti hluti nz og höldum við að það sé bara ekki hægt að komast lengra frá íslandi heldur en þangað. stewart island er frekar lítil eyja fyrir sunnan nz (eins og fram hefur komið eiginlega) og þar búa um 500 manns eða svo, allavega sáum við skillt fyrir utan kaupfélagið þar sem á stóð: "til hamingju með afmælið steve, eigðu góðan dag!!!" dáltið fyndið....
já og svo á þessari eyju búa líka nokkrir kiwi fuglar og var það önnur stór ástæða fyrir því að við vildum fara þangað, til að sjá alvöru kiwi, ekki hægt að búa í nz í heilt ár án þess að sjá kiwi!!!
við sem sagt lögðum að stewart island (fórum með báti) á þriðjudagsmorgni, fórum í göngutúr um nánast alla eyjuna á 4 klukkutímum, og svo um kvöldið fórum við í kiwi spotting tour með 12 örðum túristum og vorum við ekkert rosalega vongóð um að sjá neitt áður en við lögðum af stað. það var búið að vara okkur við og segja að við þyrftum að vera í frekar góðu formi til að fara í þessa ferð og við búin að hvíla okkur voða vel og þvílíkt tilbúin í púl og svita, ónei ekki alveg, við fórum svo hægt yfir, til að hræða ekki fuglana, að kom bara ekki einn svitadropi og svo var guidinn í gúmmístígvélum og gallabuxum og flest hitt fólkið líka þannig að ekki trúa öll sem ykkur er sagt....
en við sáum tvo kiwi fulga, guidinn var ekki voða vongóður í byrjun því það var fullt tungl og svo bjart úti en því dimmara sem er því betra, við sáum tvo fugla, einn kvenkyns og svo einn karlkyns unga. þessir fuglar eru alltaf bara einn og einn og veiða sér þannig til matar þannig að við vorum frekar heppin!!!
allavega þá kíktum við svo í snow park á leiðinni til baka hingað, rosaflottur og eiginlega of stór fyrir okkur eiginlega, þ.e. pallarnir og railin og allt eiginlega of stórt, við þorðum allavega ekki að prófa, bara næsta vetur, þá tökum við þetta!!! tókum myndir fyrir þá sem vilja sjá!!!

afmæliskveðjur, íris vinkona úr hr átti afmæli 26 sept og (ólétta) Hugrún vinkona líka úr hr átti afmæli degi seinna, eða 27 sept, innilega til hamingju stelpur mínar!!!

ekki meira í bili, er á fullu að sækja um vinnu!!!
chao... Elsa

21.9.04

guten tagen alle sammen....
við maggi erum stödd í wanaka núna, rétt hjá queenstown sem er einn mesti túristastaðurinn hérna í nz!!!
ég er búin með snjóbrettakúrsana mína, búin að vera þar í tvo og hálfan mánuð og núna er ég komin í 2 vikna frí, alltaf í fríi hérna, áður en raftingið byrjar aftur 4 október!!!
snjóbrettakúrsarnir gengu mjög vel og fékk ég b fyrir þann fyrri og a fyrir þann seinni, ótrúlega stolt af mér!!! farin að stökkva rosa hátt og gera alls konar kúnstir !!! allavega nóg um það...
við skötuhjúin ákváðum því að fara í 2 vikna roadtrip hérna um suðurhluta suðureyjunnar í staðinn fyrir að vera á flock hill í sveitinni og gera ekki neitt og láta okkur leiðast!!!
ferðin hófst á föstudaginn síðasta og héldum við beinustu leið til lake tekapo og vorum þar í tvær nætur og förum í gönguferð og rosagaman, meiriháttar veður dáltið hvasst en maður er nú vanur því!!!
síðan héldum við til mt ohau sem er voða falleg svæði rétt hjá mt cook sem er stærsta fjall nz og sáum við það alveg með berum augum, dáltið hátt og bratt og víst mjög erfitt að ganga á það, allavega ætla ég ekki að reyna það, ekki á þessu ári allavega!!!
á mt ohau er skíðasvæði og fórum við nottlega og létum reyna á það, renndum okkur alveg allan daginn nema hvað að stóla lyftan, eina lyftan eiginlega, tók alveg 10 mín þannig að mestur tíminn af deginum fór i hana...
en veðrið var gott og við voða sátt!!
núna erum við sem sagt í wanaka og ætlum að vera hérna allavega fram á föstudag og athuga einhver skíðasvæði í nágrenni en þau eru víst þau bestu í nz hérna, nema hvað að veðurspáin er víst ekkert svo góð en þá finnum við okkur bara eitthvað annað að gera!!!
núna er allavega sól og blíða úti og um 15 stiga hiti og við sitjum bara inni í tölvum þannig að maður verður að fara að drífa sig út og njóta veðurblíðurnnar!!!
ef einhver er að hugsa hvað við ætlum að gera þegar þetta er búið þá er það ennþá óljóst, allir möguleikar opnir og eru þeir í skoðun!!!
bið að heilsa í bili elskurnar mínar!!
Elsa

5.9.04

halló halló allir saman...
bara að láta vita að ég er á lífi ennþá og þakka fyrir allar afmæliskveðjurnar sem ég fékk!!!
og ég fékk alveg æðislega afmælisdag, maggi eyddi öllum deginum í christchurch við að versla hitt og þetta í matinn sem hann eldaði svo handa mér sem var alveg meiriháttar góður á meðan renndi ég mér. svo fékk ég líka hettupeysu húfu tvö ný dekk á bílinn og blöðru í afmælisgjöf og svo pakka frá íslandi þar sem var bolur og nammi og hálsmen, takk fyrir æðislega!!!

við erum núna stödd í dunedin þar sem einn vinur minn á heima og erum við í heimsókn hjá honum. ég var búin að skrifa smá pistil um daginn og setja á diskling en gleymdi honum náttlega en það kemur einhvern tímann.
allt gott hjá okkur, við fórum í gær á rugby leik, þann fyrsta og örugglega síðasta í bili, hann var nú ekkert rosalega spennandi en gaman. svo var farið á smá djamm í framhaldinum af honum, mjög gaman!!
við erum bara að renna okkur (eða ég allavega, maggi að vinna) á hverjum degi nánast og það er alveg meira en nóg af snjó hjá okkur. framfarirnar á fullu hjá mér.
það eru tvær vikur eftir af þessum námskeiðið og þá er tveggja vikna frí og er stefnan sett á queenstown þá og jafnvel stewart island en það er víst ekki hægt að komast lengra frá íslandi en þangað og svo er víst mikið af viltu dýralífi þar og hægt að sjá kiwi fugla og svona.
já og hann vignir frændi minn eignaðist víst stelpu þann 30 ágúst, til hamingju með það öll saman!!!
ekki meira í bili....
hilsen, Elsa